Администрацијата на Трамп ја обвини Европа дека претставува инкубатор за тероризам поттикнат од масовната миграција, како дел од новата национална стратегија за борба против тероризмот, пишува „The Guardian“.
Во документот, подготвен под раководство на координаторот Себастијан Горка, се наведува дека отворените граници и глобалистичките идеали се експлоатирани од непријателски групи, што според официјален Вашингтон гарантира пораст на терористичките закани.
Стратегијата упатува остар апел до европските сојузници дека мора итно да дејствуваат за да го запрат сопствениот пад, потенцирајќи дека иако Европа останува клучен партнер на САД, таа истовремено е и цел и извор на нови терористички опасности.
Овие најнови критики доаѓаат само неколку месеци откако во претходната стратегија за национална безбедност беше наведено дека на европскиот континент му се заканува цивилизациско исчезнување токму поради имиграцијата.
© Vecer.mk, правата за текстот се на редакцијата
