Најмалку пет лица загинаа при падот на мал авион на мексиканската морнарица кај брегот на Тексас, во близина на градот Галвестон, за време на хуманитарна мисија, соопшти Секретаријатот на мексиканската морнарица.
Авионот превезувал осум лица – четворица припадници на морнарицата и четворица цивили. Едно лице се води како исчезнато, а две лица ја преживеале несреќата.
Авионот бил на хуманитарна мисија и обезбедувал специјализиран медицински транспорт. Ќе биде спроведена истрага за да се утврдат причините за несреќата, соопштија мексиканските власти.
© Vecer.mk, правата за текстот се на редакцијата
