„Со забраната за деца, ние не само што не го признаваме и поддржуваме основното право на нивен интегрален развој, туку директно ги дискриминираме.“
Иако сениорската фудбалска репрезентација на Русија се уште е под ембарго кога се во прашање настапите во натпреварувањата под капата на УЕФА и ФИФА, исклучок е направен во случајот на една помлада селекција.
Станува збор за репрезентацијата на Русија до 17 години, која повторно ќе се користи во европските натпреварувања до 17 години, за прв пат откако во февруари минатата година започна руската инвазија на Украина.
“Момчињата и девојчињата не треба да бидат казнети за постапките на возрасните. Фудбалот никогаш не треба да се откаже од испраќањето пораки за мир и надеж“, се вели во соопштението на УЕФА.
Суспензиите за руските сениорски репрезентации се уште се во сила.
- Трајната суспензија против руските сениорски тимови ја одразува нашата посветеност да заземеме став против насилството и агресијата. УЕФА е решена да продолжи со оваа позиција додека не заврши војната и не се воспостави мир“, рече претседателот на УЕФА, Александар Чеферин.
Натпреварите нема да се играат во Русија, а на тимовите нема да им биде дозволено да носат национални дрес, да го истакнуваат знамето или да ја пеат националната химна.
- Ние не само што не го признаваме и поддржуваме основното право на забраните за деца на нивен целосен развој, туку директно ги дискриминираме. Обезбедувајќи можности за игра и натпревар со врсниците од цела Европа, инвестираме во она што се надеваме дека ќе биде попаметна и поспособна идна генерација и подобро утре - додаде Чеферин.
Европското првенство за момчиња до 17 години ќе се одржи на Кипар следната година, додека во женска конкуренција во мај 2024 година ќе се одржи во Шведска.
Фото: Шутер/Andrej Tarfila
© Vecer.mk, правата за текстот се на редакцијата
