Голманот на Пари Сен Жермен, Џанлуиџи Донарума и неговата сопруга претрпеле насилство при грабеж на нивниот стан во Париз, ги врзале и соблекле.
Според француските и италијанските медиуми, непознати провалници од станот насилно одзеле пари и вредни предмети во вредност од 500.000 евра.
За време на грабежот, разбојниците со закана со пиштол ја соблекле и врзале брачната двојка Донарума. Се уште во шок Џанлуиџи и неговата сопруга побарале засолниште во блискиот хотел откако разбојниците си заминале, од каде ја алармирале полицијата, додека персоналот на хотелот им пружал прва помош.
По пристигнувањето на полицијата во хотелот, голманот и неговата сопруга биле пренесени на прегледи во болница, каде им била укажана помош. Италијанецот се здобил со полесни повреди, додека неговата сопруга се спасила неповредена.
Сторителите на овој грабеж се уште се во бегство. За делото за кое тие одговараат е предвидена казна затвор до 30 години.
Донарума не е единствениот, неколку играчи на Пари Сен Жермен веќе беа мета на разбојници во последните години, иако кога не беа дома.
Такво искуство имаа Преснел Кимпембе, Маркињос, Тиаго Силва, Анхел Ди Марија, Дани Алвеш, Ерик Чупо-Мотинг, Серхио Рико и Мауро Икарди.
Минатиот јануари, Судот во Версај осуди двајца мажи на затворски казни за грабежот на станот на Маркињос во март 2021 година, додека другите двајца беа осудени на три, односно четири години за грабежот на домот на Анџело Ди Марија во март 2021 година.
© Vecer.mk, правата за текстот се на редакцијата
