Менаџерот на Ливерпул Арне Слот беше повеќе од среќен по успехот од 2-0 над Реал Мадрид. „Ливерпул“ го немаа победено овој противник од 2009 година и тоа го направи овој успех уште поспецијален. Тој исто така сподели што му кажал на тимот на паузата за да ги инспирира да успеат.
„Мислам дека во првите 45 минути бевме премногу нетрпеливи. Секоја опасност што ја создаваше противникот – а тоа не се случуваше често – доаѓаше од нашите грешки. Затоа им кажав дека можат многу повеќе, дека мора да играат со поголем интензитет и повеќе да ја задржат топката, им реков да заборават против кого играат и да го прават тоа што го прават секогаш, се надевам дека ќе создадеме повеќе шанси.
Оваа победа е поспецијална од другите натпревари затоа што игравме против тим кој толку пати ја освоил Лигата на шампионите. Тие се актуелни носители на трофејот и доминираа во Европа во последните години“, изјави Холанѓанецот.
По оваа победа, Ливерпул е на врвот на табелата, но тренерот се уште не може да го оцени значењето на овој факт.
„Со овој чуден формат на Лигата на шампионите, тешко ми е да проценам колку се важни нашите победи досега“, рече специјалистот.
