Македонската кошаркарска репрезентација утре заминува за Перм, градот домаќин на последниот квалификациски турнир за пласман на ЕП 2022. Поради пеколното темпо, четири меча во пет дена, селекторот, Александар Тодоров на располагање ќе има 15 играчи.
Ова значи дека двајца кошаркари ќе отпаднат од потесниот избор. СПОРТМЕДИА дознава дека во Русија најверојатно нема да патува, Марко Симоновски. Играчот на Кожув не ги почна подготовките веднаш поради повреда на листот на левата нога, и токму поради истата тој нема да може да им помогне на соиграчите во битката за ЕП.
Останува до крајот на денот да биде познат списокот на конечни патници за Перм.
sportmedia.mk