Лондонско дерби, победа на Арсенал и продолжување на трката за титулата во Премиер лигата. „Топчиите“ на свој терен го „распарчија“ Челзи со 5:0. Четата на Микел Артета уште еднаш одигра фантастично, додека „сините“ повторно разочараа.
Резултатот го отвори Тросар уште во четвртата минута. Водството од 1:0 остана на полувреме, а во второто „топчиите“ постигнаа уште четири гола.
Бен Вајт зголеми на 2:0, следуваа два гола на Каи Хаверц, а потоа повторно Вајт.
По 34 натпревари Арсенал е прв со 77 бодови, три повеќе од вториот Ливерпул кој има меч помалку и четири повеќе од третиот Сити кој има два меча помалку.
Ова е највисоката победа на Арсенал над Челзи во историјата на Премиер лигата.
