Што ли ќе биде во летниот преоден рок?
Секако, спектакл! Уште сега има најави за мега – трансфери а секако дека еден од најголемите би бил, барем според инсајдерски информации, оној на Родри од Манчестер Сити во Реал Мадрид. Факт е дека по заминувањето на Тони Крос средниот ред на “кралевите“ не е тоа што треба да биде. Модриќ е веќе во години, а Валверде, Камавинга и Чуамени сепак не се Крос.
Родри со својот екстра квалитет секако би бил адекватно засилување. Е сега како тоа ќе се “најдат“ Родри и Винисиус по сета онаа фама по “Златната топка“, тоа никој не го знае.
Исто така се наговестува дека Реал го сака и Енцо Фернандез од Челзи, еден од клучните играчи во средниот ред на селекцијата на Аргентина. Има намера да го понуди Чуамени во Челзи за да го добие Енцо.
Михајло Мудрик, украинската ѕвезда на Челзи сепак би можел да го облече дресот на Арсенал. Познато е дека тој пред да потпише за Челзи веќе беше договорон со Арсенал, но сепак отиде на “Стемфорд Бриџ“ а не на “Емирејтс“. Тој би можел да дојде во тимот на Микел Артета како позајмен играч.
Диого Коста, еден од најдобрите голмани во светот и член на Порто, како и чувар на мрежата на репрезентацијата на Португалија, се поврзува со трансфер во Баерн Минхен. Имено раководството на гигантот од Минхен токму во Португалецот гледаат адекватен наследник на Мануел Ноер.
Што од се ова ќе се оствари, јасно е дека ќе мораме да почекаме до лето.
