Се чини дека и новиот стратег Рубен Аморим не може да го сопре падот на еден таков гигант, каков што е Манчестер Јунајтед. Младиот португалски стратег дојде на „Олд Трафорд“ како спасител, но тешко оди и со него. Ништо подобро како со неговите претходници по заминувањето на Алекс Фергусон од пред повеќе од една деценија.
Проблеми со Рашфорд и Гарначо, да не говориме за тоа каков срам доживеа клубот откако наезда глувци го “нападнаа“ стадинот.
Сепак најинтересно беше за време на еден од пресовите кога протекуваше вода во салата за прес – конференции, кога и тоа Аморим го виде па имаше што да каже по малку и во очај:
“Да знаев дека е така јас лично ќе го решев и овој проблем, погледнувајќи нагоре кон местото каде што протекуваше водата“ посочи Аморим.
Факт е дека Манчестер Јунајтед е голем клуб според традицијата, величината, освоените трофеио во минатото, но исто така факт е дека овој клуб во последната деценија, па и сега, е далеку од такво нешто.
