Баерн Минхен на „Алијанц Арена“ го совлада ПСЖ со 1:0. Сепак, по натпреварот најголемо медиумско внимание доби транспарентот што го истакнаа локалните навивачи. Големата кореографија беше насочена против претседателот на ПСЖ, Насер Ал-Келаифи.
На два транспаренти развлечени на трибините напишаа: „Министер, сопственик на клуб, сопственик на ТВ права, член на извршниот комитет на УЕФА, директор на Европската клупска асоцијација, сите во едно? а потоа на онаа на оградата, до знамето на кое беше прецртана главата на Ал-Келаифи: “Фудбал, тоа сум јас? О**еби, плутократ Ал-Келаифи!”.
Сега Баерн се огласи и официјално за целата ситуација. Баварскиот клуб му се извини на ПСЖ.
„За време на натпреварот на Баерн во Лигата на шампионите, на „Алијанц Арена“ беа видени транспаренти упатени до Пари Сен Жермен и неговиот претседател Насер Ал-Келаифи. Клубот сака да стави до знаење дека овие постери не се одобрени од ФК Баерн и не ја одразуваат неговата позиција. Тие не се во согласност со добрите и долгогодишни односи меѓу двата клуба. Тонот на овие постери, исто така, е во спротивност со стилот на ФК Баерн и начинот на кој клубот се однесува со почит кон своите меѓународни партнери“, се вели во соопштението.
