Шпанската фудбалска репрезентација досега покажа најмногу на Европското првенство во Германија, а пред полуфиналниот меч доаѓаат вести за првите борби во оваа селекција. Алваро Мората е главниот актер.
Утре и задутре на програмата се полуфиналните натпревари на Европското првенство, а први на терен ќе излезат селекциите на Шпанија и Франција, утре од 21 часот во Минхен.
Мората размислува да се збогува од шпанската репрезентација по Европското првенство, а за многумина имаше многу лоши зборови.
Сега тој реши да каже што му паѓа на памет и истакна дека постои можност да ја напушти шпанската репрезентација, но и самата земја во која настапува за Атлетико Мадрид.
„Постои можност да ја напуштам репрезентацијата по ЕУРО, но не сакам да зборувам многу за тоа. Не сум многу несреќен, но вистината е дека во Шпанија ми е многу тешко да бидам среќен. На крајот секогаш некаде излегува нешто. Пред некој ден направив гест кон печатот. Едноставно им свиркав и мислев дека ќе остане меѓу нас.
Тоа беше само гест, но некои ја искористија можноста да критикуваат, како и секогаш. Што се однесува до прашањето дали ми дадоа жолт картон или не, некои рекоа: „Ние играме подобро без него“. Дури и кога работите одат добро…
Да, дефинитивно сум посреќен надвор од Шпанија. Сум кажал многу пати. Пред се затоа што луѓето ме почитуваат. Во Шпанија нема почит кон ништо и никого.
Затоа постојано мислам, иако сум фокусиран на Европското првенство, дека не знам дали е најдобро за мене да останам во Шпанија. Реков дека ќе освојувам титули со Атлетико, но мора да одмерите што вреди, а што не“, рече Алваро Мората.
