Жорге Мендеш, Португалецот кој важи за еден од најдобрите ако не и најдобар менаџер или агент во светот на фудбалот, вчера во Дубаи ја доби наградата на “Глоуб Сокер“ за најдобар агент во 2024.
Се разбира дека и тој се вклучи во расправата за тоа дали Родри или Винисиус го заслужува епитетот – најдобар во 2024 година.
А неговиот коментар беше по малку изненадувачки:
„Според мене Ламине Јамал беше најдобар. Сепак тој беше жртва на својата младост на своите 17 години. Многумина си помислија дека пред него е иднинатата и дека тој за извесно време и онака ќе ги собере сите награди. Што се однесува до споредбата со Меси кои многумина ја прават, јас тоа нема да го сторам. Мислам дека сите оние кои повлекуваат паралели меѓу кариерата на Јамал која е во подем и онаа на Меси треба да сносат одговорност за тоа“ посочи Мендеш.
