Македонскиот напаѓач Марко Симоновски со два гола ја донесе победата на Фероникели над Приштина со 2:0 во 25. коло на косовскиот шампионат. Интересно, Приштина која ја предводи Зекирија Рамадан имаше осум победи по ред, или серија без пораз од 17 натпревари, но наиде на цврст противник.
Марко Симоновски погоди во 45. минута, а потоа и во 76. минута за конечни 2:0.
За поранешниот напаѓач на Волунтари, Сепси, Лахти и уште неколку европски клубови како и скопски Металург ова се првите голови во првата сезона во Косово.
sportmedia.mk