Белгискиот голман Коен Кастелс одлучи да ја напушти репрезентацијата поради незадоволство од враќањето на Тибо Куртоа во националниот тим. Куртоа претходно се повлече од репрезентацијата по несогласувањата со поранешниот селектор Доменико Тедеско, но сега изрази желба да се вративо тимот под водство на новиот селектор Руди Гарсија.
Кастелс ја критикуваше одлуката на Фудбалскиот сојуз на Белгија да го врати Куртоа, наведувајќи дека тоа не е во согласност со вредностите на тимските спортови и стандардите на спортската организација.
„Чудно ми е што тој (Куртоа) може сам да одлучи дали сака да се врати или не, а уште почудно ми е што самата федерација се предомисли и му посла црвен тепих и го пречека со раширени раце“, изјавил тој.
Оваа ситуација предизвика тензии во тимот, а Кастелс истакна дека многу играчи го делат неговото незадоволство од враќањето на Куртоа.
