Денешната Боксинг деј програма во Премиер лигата, секако дека ќе биде одбележана со мега победата на тимот на Фулам на гоствањето кај тимот на Челзи. Откако претходно тимот на Манчестер Сити повторно не победи, што во моментов е вообичаено, и Челзи прописно се избламира на домашен терен.
Се почна добро за домаќинот со голот на Палмер во 16. минута, а и играта на домаќинот ветуваше три бода.
Во второто полувреме слична слика на Стемфорд Бриџ, но се до 82. минута. Тогаш Вилсон погодува за 1:1, а кога се мислеше дека Челзи сепак, ќе дојде до ново водство, со оглед на атаците кон противничкиот гол се случи сосема спротивното. Родриго Муниз реализираше за 1:2, и за огромна радост на гостите.
Екипата на Нотингем Форест пак уште еднаш сезонава покажа дека е во супер форма, па денеска со голот на Еланга во 28. минута дојде до победа над Тотенхем.
Борнмут по сензационалниот триумф кај Манчестер Јунајтед киксираше на домашен терен со ремито без голови против Кристал Палас.
Њукасл пак со високи и убедливи 3:0 на свој терен го совлада во секој можен аспект, тимот на Астон Вила. Вест Хем пак го совлада тимот на Саутемптон на негов терен со минимални 0:1.
