Финансиската полиција минатата година поднесе кривични пријави против поранешниот претседател на Фудбалската федерација на Македонија, Илчо Ѓорѓиоски, поранешната сметководителка на Федерацијата, Олгица Младеновска, и уште други девет физички и единаесет правни лица за проневера на 2,4 милиона евра.
Во меѓувреме случајот доби нова димензија. Имено, поранешната раководителка на одделението за финансии и сметководство во ФФМ сторила кривично дело оштетување и нелегално влегување во компјутескиот систем.
Финансиската полиција информира дека О. М., по отстранувањето од работното место во ФФМ, во периодот од 13 до 28 октомври 2019 година во повеќе наврати неовластено пристапувала до програмата за сметководство на ФФМ преку апликацијата Team Viewer со која преку нејзиниот личен компјутер, надвор од просториите на ФФМ, влегувала во системот на ФФМ при што таа вршела измени: прекнижување, докнижување и бришење ставки во евиденцијата на ФФМ, а сè со цел да ги прикрие трагите од сторените кривични дела што ѝ се ставаат на товар.
sportmedia.mk
