Голманот на Лас Палмас и на холандската репрезентација Јаспер Силесен заработи страшна повреда на натпреварот против Селта во 29. коло од шпанската Ла Лига. По страотниот судир со фудбалерот на Селта, Борха Иглесијас, несреќниот голман е префрлен во болница каде итно бил опериран поради повреда на внатрешните органи.
Фудбалерот на Селта со полна брзина со колено го удри Силесен во стомакот, кој со големи болки беше изнесен од теренот.
По излегувањето од игра, голманот повраќал покрај теренот, па лекарите се посомневале дека се работи за повреда на внатрешните органи, па со возило на брза помош веднаш бил пренесен во болницата во Виго. На Силесен итно му е извршена операција на „перфорирано црево“, објавија шпанските медиуми.
По хируршката интервенција, лекарот на Лас Палмас, Диостано Боланос соопшти дека одличниот голман е во стабилна состојба.
„Тој има абдоминална повреда, со одредена зафатеност на цревата. Досега сè оди добро“, рекол Боланос.
Погледнете го видеото од страшниот судар меѓу Силесен и фудбалерот на Селта:
Cómo de desafortunada es la @UDLP_Oficial para que se lesione Cillessen a falta de 10 jornadas.
— Jaime de Eugenio (@jaimedeeugenio) March 31, 2025
El mejor fichaje de la temporada, para mí incluso el mejor jugador de la 24/25.
Claramente sin querer, pero qué animalada de Borja Iglesias.#CeltaLasPalmas pic.twitter.com/4DfNvDot4P
© Vecer.mk, правата за текстот се на редакцијата
