Реал Мадрид синоќа на гости кај Рајо Ваљекано одигра 3:3, освои само бод и со тоа пропути голема шанса да се најде пред Барселона на лидерската позиција на табелата. Сега Барса и натаму е лидер со еден бод предност пред Реал, и двете екипи имаат по 17 одиграни мечеви.
По мечот Карло Анчелоти истакна дека не е нервозен по ова неочекувано реми на “кралевите“:
„Ова не е реми како со Мајорка и Лас Палмас кога по тие два меча бев нервозен. Игравме добро, посебно по водството од 2:3. Покажавме тимски дух, затоа велам дека не сум нервозен“посочи стратегот на Реал Мадрид.
Инаку тој не пропушти да ја коментира ситуација кога Винисиус побара пенал, но наместо тоа Бразилецот доби жолт картон:
„Морам да кажам дека по гледањето на снимката според мене тоа беше чист пенал за Реал Мадрид“.
Инаку по мечот на своите социјални мрежи, Реал Мадрид како клуб искочи со коментар дека судиите не дозволија тие да победат.
