Големата ѕвезда на Барселона, Френки Де Јонг во едно интервју ги изнесе своите очекувања пред трансферот во шпанскиот гигант.
„Морам да признаам дека кога потпишав за Барселона, не мислев дека за четири години ќе освојам само една Ла Лига, еден куп на кралот и еден шпански Суперкуп. Очекував барем двојно повеќе трофеи, па затоа сум разочаран. Сепак, некои работи не можат да се предвидат“ изјави холанѓанецот.
Де Јонг исто така ја искоментира состојбата со продолжувањето на неговиот договор.
„Луѓето овде мислат дека јас сакам засекогаш да останам во Барса поради животот надвор од терените. Животот тука е одличен, но поважно е тоа што се случува на теренот. Доколку увидам дека повеќе не можам да и допринесам на Барселона и дека тимот не може да се натпреварува за трофеи, тогаш ќе си заминам“.
