Швајцарија пропушти вистинска шанса да постане втората репрезентација во нашата група која успеала да го совлада актуелниот светски првак. Данска без Микел Хансен, Никлас Ландин, Ханс Линдбер, но и селекторот Николај Јакобсен, иако беше далеку од посакуваното ниво сепак дојде до минимален триумф од 28-29.
Домашниот состав одлично го искористи некомплетниот состав на противникот. Во првото полувреме доминираше, најголмета позитива изнесуваше пет гола (11-6, 12-17, 16-11). Данска само двапати водеше во овој дел, на почетокот на мечот 0-1 и 1-2.
По негативата од 17-14, актуелниот светки првак се врати во мечот, со серија од 4-0 поведе со 22-23, а дуелот влезе во неизвесна завршница. По погодокот на Менса Ларсен за 28-29, настана хаос на теренот, двете репрезентации влегоа во серија на грешки. Истиот дански ракометар погоди за 28-30, Швајцарија врати, но немаше време ниту за реми.
Данска останува лидер во нашата група со осум бода исто колку и Македонија. Швајцарија е последен противник во квалификациите за ЕП 2022 година, во недела гостува во СЦ „Јане Сандански“.
sportmedia.mk
