По долгите преговори со шпанската фудбалска федерација, Барселона сепак не успеа да го регистрира големото летно засилување Дани Олмо. Пред неколку недели пристигнаа информации дека Барса нема финансиски средства за да ги регистрира Дани Олмо и Пау Виктор за вториот дел од сезоната.
Челниците на каталонскиот клуб водеа долги преговори со шпанската фудбалска федерација и бараа решенија за покривање на финансиските средства потребни за регистрација на двата фудбалери. Рокот за регистрирање на Олмо и Виктор беше до 31 декември, но фудбалската федерација на Шпанија го продолжи рокот за уште три дена. Сепак денес од Шпанија пристигнаа вести дека фудбалската федерација ги одбила барањата на Барселона и дека од денес Дани Олмо е слободен играч кој може да преговара со друг клуб.
Барселона го купи Дани Олмо летово за сума од 60 милиони евра од Лајпциг, но тој нема да може да ја продолжи кариерата во каталонскиот клуб во блиска иднина.
