Бесијан Ахмети, роднина на лидерот на ДУИ Али Ахмети со потпис на министерот за економија Крешник Бектеши и одобрение од шефот на дипломатијата Бујар Османи е именуван за прв секретар во амбасадата на Македонија во Брисел, соопштија од партијата Алтернатива.
Тие за овој случај ја повикуваат Антикорупциска комисија да реагира за непотизмот на Ахмети и на ДУИ.
- Во времето кога стотици илјади Албанци секојдневно се принудени да ја напуштат својата татковина и да се преселат на запад, во отсуство на економската перспектива во земјата, во времето кога невработеноста, продлабочувањето на економската криза, растот на цените и, генерално, квалитетот на животот ги принудува младите Албанци да се одвојат од нивните семејства, од друга страна, продолжува бескрупулозниот непотизам на функционерите на ДУИ, кои со своите постапки продолжуваат да ја убиваат надежта на младите Албанци, потенцираат тие.
Посочуваат дека таков е случајот со членот на семејството на лидерот на ДУИ, Бесијан Ахмети кој со одлука на министерот за економија, Крешник Бектеши и одобрение на министерот за надворешни работи, Бујар Османи, преку партиското и семејното фаворизирање, именуван е за прв секретар во Амбасадата на РСМ во Брисел, заземајќи го местото на стотиците албански професионалци квалификувани за таа позиција.
Од партијата на Африм Гаши го прашуваат Ахмети уште колку членови од семејството не се вдомени во државните институции.
- До кога треба да чекаат Албанците додека „династија Ахмети/ДУИ“ се сити на нивен грб? Уште колку Албанци треба да се преселат за да се задоволи семејството Ахмети? Ја повикуваме Државната комисија за спречување на корупција и сите надлежни институции да реагираат на срамниот непотизам на ДУИ на кој секојдневно сме сведоци, велат од Алтернатива.
© Vecer.mk, правата за текстот се на редакцијата
