Владата предводена од премиерот Христијан Мицкоски ги обележа првите 100 дена од стапување на власт. Не е тоа некое долго време, едвај 10% од мандатот кој трае 4 години но, изненадувачки за македонската јавност која е со години навикната на лоши вести, е што покажаа прилично убедливи резултати и ефект од работата уште во првите 100 дена.

Покажаа дека и во Македонија може да се има нормална и ефикасна власт кога не се краде, нема корупција и има посветеност на обврските кои се преземени. Плаќани се пари кои минатата власт ги должела пред се на своите граѓани, а отворени се нови проекти за граѓаните и компаниите.

За да се разбере, лесно и аргументирано, што се случува и зошто е како што се наведува во воведот, да разјасниме со бројки и факти како стојат работите.

<b>Што е преземено од минатата власт</b>

Буџетот кој владата на СДСМ и ДУИ го изгласа во ноември минатата година беше 5,5 милијарди евра. Голем буџет, најголем во историјата на независна Македонија. Тоа се пари кои државата ги зема од граѓаните и компаниите и кои, потоа, треба да ги потроши за нивни потреби. Од ноември лани, до јули годинава кога се случи промена на власта не видовме ниту еден реализиран проект од минатата влада предводена од Димитар Ковачевски. Ниту еден, а парите се потрошија.

Патем, владата на СДСМ и ДУИ им остана должна плати на големите јавни системи како водостопанство, железници, пошта, македонски шуми, субвенции за замјоделците... И, кога ќе се соберат во бројки луѓето на кои владата им должи плати и субвенции се доаѓа до бројка од над 50.000 луѓе кои морале да ги плаќаат своите сметки и даноци на државата, а парите кои државата им ги должела на нив – не им ги платила. Плус на ова се фирмите на кои државата им е должна за услуги.

Ако буџетот за 2024-та е 5,5 милијарди евра, се очекувало дека во јули 2024, со смена на власта, на располагање во приходите и расходите на буџетот ќе има околу половина од тој износ, односно околу 2,7 милијарди евра за новата влада да може нормално да работи во последните 6 месеци од годинава. Но, со влез на новата власт и увид во сметките, се покажува дека има “дупка“ од скоро пола милијарда, или 500 милиони евра кои недостасуваат за да се реализира буџетот во втората половина од годината. 

Владата на СДСМ и ДУИ, свесно, создала 500 милиони евра кусок во буџетот како темпирана бомба за новата власт знаејќи дека ќе ги загуби изборите и со намера да создаде тешка состојба за новата власт за да го урива нивниот углед. Патем, оставила и големи долгови кон вработени во јавниот сектор како земјоделците, железници или државното шумско стопанство што е нова темпирана бомба за новата власт за да и се предизвикаат протести и незадоволства.

Но, не се темпирани бомбите само на планот на финансии и проекти. Создадени се, свесно, но и коруптивно низа црни точки од кои власта на СДСМ и ДУИ имале профит, а оставиле терет и проблем за идната власт со цел да си ги заштитат своите интереси во иднина.

Последната година од власт, се до буквално последните денови на владеење на СДСМ и ДУИ, со сила се буткаа судии и обвинители на функции како и во советот на судии и обвинители, и делени се дипломи во Академијата за судии и обвинители како подароци за деца на Нова година за да се обезбеди тотална контрола на правосудниот систем на подолг рок кој ќе ги штити функционерите на СДСМ и ДУИ од судски прогон во иднина.

Од досега достапните податоци, од анализи и предистраги за само 100 дена, има основани сомневања за над една милијарда евра пари украдени од властите на СДСМ и ДУИ само во енергетскиот и здравствениот сектор, за време на ковид кризата, од фондот за иновации... А главното следи допрва, истрагите само што почнаа. По истрагите, со реформи во правосудниот систем, ќе има и судења.

Туркан е брзо и на сила договор со Бугарија и работа на целосно компромитирана комисија за историски факти помеѓу Македонија и Бугарија за да се стекнат профити и пари видени во создавање свои профитни фирми во Бугарија, плаќање големи хонорари на “историчари“ од Македонија да прифатат се што е бугарски предлог... Функционерите на СДСМ и ДУИ  така станаа “кооперативни“ со Бугарија и дел од нивните европски лобисти, ја ставија Македонија во подредена положба и со врзани раце во евроинтеграциите, ја загрозија националната сигурност и идентитет и, со парите и “славата“, заминаа од власт.

Корупцијата во Македонија може да се мери само со степенот на корупција во Украина, која корупцијата ја плаќа со војна. Сите други, од Казахстан до Ирска, се држави помалку корумпирани од Македонија. Државниот систем е целосно урнат.

<b>Што е направено во првите 100 дена во таквата урнатина од држава</b>

Темелна задача на новата власт е дијагностицирање на степенот на уништеност на државниот систем, по сите основи, и хоризонтално и вертикално. Мапирање на корупцијата, затворање канали за продолжување на корупцијата и обезбедување докази за судски прогон на корумпираните и враќање, во што е можно поголем дел, на украдените пари назад во буџетот.

Ова не е задача за првите 100 дена, ова е задача за првата година на власт. Краток период за толку голем зафат, но Македонија нема време да чека подолго. Патем, целата акција да се спроведе согласно постоечки закони, без естрадни додатоци за сеир и ефект пред јавноста а без реална завршница, без измислени хајки по примерот на СЈО. Напротив, да се спроведе професионално и етички. 

Да се спроведе кон сите, особено покрупните елементи на корупција не само кон функционери и соработници на минатата власт кои Македонија ја донесоа на врвот на корумпирани држави во Европа, туку и кон нивни соработници од минатата власт на Груевски кои за сопствен спас и корупција соработуваа со владата на СДСМ и ДУИ, имаа заеднички профити од тоа и не докажаа како може за време на власт да се стекнат по 30 стана во сопственост, да се биде министер во минатата власт на Груевски а по мандатот да се имаат адвокатски или нотарски канцеларии од по 200-300 квадрати и да се тераат бизниси со Заев и неговата банда заштитетни со милионска отплата и поделба на пленот од корупцијата. 

Она што владата на Христијан Мицкоски го заврши по првите 100 дена на власт, ниту во финсиски износи, ниту пак во број на граѓани и фирми кои имаат бенефит од тоа не може да се спореди со ниту една нова власт во последните 34 години. Ни приближно никој премеир и влада немале такви успешни резултати во првите 100 дена.

Секоја вредност се дефинира со споредбена вредност. Ако споредите извештај што направила владата на Зоран Заев во првите сто дена и овој на владата на Христијан Мицкоски ќе ви биде јасно се. Во извештајот на Светска банка објавен во октомври 2022 пишува: “Македонија е пред совршена економска бура. Стопанството го демне ризик од стагфлација, односно намалување на производството при зголемување на цените – наведува Светската Банка во извештајот во годината кога Заев заминува и го поставува Димитар Ковачевски за свој следбеник. Бурата се случи, иако сите знаеа дека следи.

Без потреба никој да ви коментира, за да не објаснуваме и компарираме на долго и широко можете да погледнете што пишува во текстот за првите 100 дена на владата на Заев на странски, неутрален медиум,  Радио слободна Европа https://www.slobodnaevropa.mk/a/30999837.html, и ќе видите дека – нема ништо, освен фалењето дека добро ја менаџирале ковид кризата и дека не се виновни за ветото од Бугарија. 100 дена чиста корупција.

Патем, Македонија имаше најголем степен на смртност во време на Ковид кризата во Европа, гледано по број на жители, фатена корупција од 5 милиони долари за набавка на кинески вакцини заради што вакцини добивме во мај, а не во јануари-фервруари кога и сите други, за кое време од три месеци доцнење со вакцините  починаа над 3.000 луѓе!   Деновиве се појавија податоци дека за време на Ковид кризата тогашната влада потрошила 100 милиони евра ненаменски, исплати надвор од закон и прописи, во “четири очи“.

Спискот со бројки, датуми и описи за првите 100 дена од владата на Христијан Мицкоски  е долг, и достапен за јавноста па кој сака може и цел да го прегледа и пресмета, и може да се види на овој линк https://vlada.mk/node/37150. 

Во оваа прилика ставаме фокус само на две области: Здравство и Образование. Сметаме дека се тоа области од интерес за буквално секој граѓанин, дека се меѓу најкритичните заедно со правосудството, во државниот систем и заради тоа што ја дефинираат состојбата и иднината на нацијата.

Во извештајот на Светска банка, објавен летово и на порталот Вечер.мк, за состојбата на младите во поедини држави, за Македонија таа анализа тврди дека состојбата во образованието и здравството е темелно разурната и закана за иднината. Светска банка проценува дека нашите млади остваруваат само 60% од својот потенцијал заради лошото здравство и образование.

Треба ли посилен факт и доказ до кое ниво владите на СДСМ и ДУИ ја урнаа државата и ја оставија урната да мора со генерации да се оправа и стабилизира. Секој млад човек е жртва на таа власт на СДСМ и ДУИ, и секој нивни родител заедно со нив. Состојба која ниту може ниту смее да им се прости на СДСМ и ДУИ.

Во првите 100 дена, за само три месеци, новата влада, за почеток, обезбеди учебници. Навидум банална работа, но за минатата власт неостварлива задача. Само нашите деца во Европа почнуваа школска година без учебници. Досега. Мила Цароска, министерка за образование од СДСМ, туркаше концепт дека учебници не им требаат на децата, нека учат од компјутери, а таа се фрли на финансирање нејзини невладини организации кои ги наполни со државни и странски пари од кои требаше, и мораше, да се печатат учебниците.

Во првите 100 дена, новата влада, само во областа на здравството и образованието, освен што конечно имаме учебници,  го направи следното:

Доградба на ОУ „Блаже Конески“ во Мичурин, Општина Аеродром. Започнување градба на спортска сала во ОУ „Димитар Поп Георгиев Беровски“ во Хром, Ѓорче Петров. Почеток на изградба на дом на култура и спортска сала во село Дреново, Кавадарци. Доградба на градинката „Гоце Делчев“ во Илинден. Започнаување на доградба на објектот Изворче во детска градинка Срничка во Скопје. Изградба на ново основно училиште Свети Климент Охридски во Драчево, општина Кисела Вода. Започнување изградба на нова детска градинка во Трубарево, општина Гази Баба. Пуштање во употреба на детско спортско игралиште во Видобишта, Охрид. Започнување на изградба на нова детска градинка во општина Бутел. Обезбедени и насочени 18 милиони евра за реконструкција на студентските домови и 35 милиони евра за изградба на студентски камп за универзитет Мајка Тереза...  

Во здравството се евидентни темелни промени:

Поевтини лекови -  преку проширување на позитивната листа со 9 генерици, вкупно 87 лекови. Вработување на 600 специјализијанти во јавните здравствени установи. Продолжува изградбата на Клиничката болница во Штип, започната во минатата влада на ВМРО ПДМНЕ и запрена од владата на СДСМ и ДУИ. Комплетно реновирано одделение за дигестивна хирургија...

Дали е тоа доволно за први 100 дена од една нова влада? И тоа само во образование и здравство! Реално, да го ветил некој политичар ова пред избори, такстаивно вака наброено, ретко кој би верувал дека е можно, но ете – можно е.

Македонија може, само треба да се работи без корупција и да се даде шанса секому кој ќе покаже воља, знаење и посветеност. Мрачните времиња во Македонија се минато, следи вадење на ликовите од мрачните времиња пред судските рефлектори. Како разврска со мрачните времиња и како опомена до сите кои сметаат дека може така да се тера и работи во политиката.

МНОГУ МОЖЕ ДА СЕ НАПРАВИ КОГА НЕ СЕ КРАДЕ: Ова се првите 100 дена на новата влада