Денеска продолжи судењето за убиството на Вања и Панче, а судот го отстрани првообвинетиот Љупчо Палевски поради како што беше кажано дека сведокот и обвинет Влатко Кешишев пред него нема да ја зборува вистината.
Останатите ги запознав во „Опера хаус“ кога почнав да работам таму кога се вратив од Хрватска за да готвам. Тоа беше после короната. Требаше да готвам за мене и за Палч,о но и за други гости. Палчо го запознав на протест во Скопје. Александар Ѓорчевски првапат го видов овде во судница.
Вака на денешното рочиште за убиствата на Вања Ѓорчевска и Панче Жежовски го започна своето сведочење Влатко Кешишев, еден од обвинетит, пренесе Република.
Моја обврска беше да готвам и да давам поддршка за партијата кога беше движење. Не примав плата и не се жалам бидејќи беше акција да се формира партија. Ме бараа во Хрватска, но бидејќи се залагав за партијата останав. Панче и Вања не ги знам, ги видов на Фејсбук кога се се заврши. Да, учестував во копање на дупка во Велес во 2022 година. Дојде Велибор во работни алишта, а Палчо беше во партија. Ми рече да отидам да му помогнам, но не знаев за што се работи. Велибор обележа еден круг и почна да копа а јас ја исфрлав земјата. Мислев дека бараме злато. Копавме до одредена длабочина и се вративме. Веља по некое време ми рече “за ова не треба никој да знае може глави да летаат, дупката е наменета за киднапирање, раскажа Кешишев додека гледаше во судијата Стефановски.
© Vecer.mk, правата за текстот се на редакцијата
