Пред камерите на Европската комисија во Брисел се случил краток, непријатен инцидент што ги разнишал дипломатските кругови. Српскиот претседател ѝ рекол на претседателката на Европската комисија Урсула фон дер Лајен дека штотуку добил порака од Москва.
На снимката, првата жена на ЕУ, со видно воздржана насмевка, му одговорила:
– Во ред, почекај само да се тргнеме од камерите.
Размената, снимена на официјалниот влез во зградата на Европската комисија, за неколку часа се проширила низ европските медиуми и на платформите Икс и Јутјуб.
Овој инцидент доаѓа во недела кога ЕУ повторно ја разгледува европската перспектива на Западен Балкан, а Србија е под постојан притисок да ја ограничи трговската и политичката зависност од Русија.
Ниту Белград ниту Брисел не објавија официјално соопштение по повод настанот.
Преда да замине за Брисел Вучиќ, меѓу другото, изјави и дека ќе ја пренесе идејата земјите од Западен Балкан да бидат заедно примени во ЕУ. Неговата изјава го разбранува регионот. Црногорскиот премиер му возврати на Вучиќ дека Црна Гора ќе влезе во ЕУ до 2028 година и дека „таму ќе ги чека останатите соседи“.
За хрватските медиуми, пак, идејата на Вучиќ е охрабрувачка, но сепак е „надреализам“.
© Vecer.mk, правата за текстот се на редакцијата
