Голем скандал во првата македонска фудбалска лига. На денешпниот натпревар меѓу Шкендија и Брера навивачите на домаќините наместо минута молк упатуваа свирежи и пееја песна посветена на УЧК.
Наместо минута молк и оддавање почит за 59-те жртви од Кочани меѓу кои и фудбалерот на Шкупи, Андреј Лазаров навивачите на Шкендија направија голем скандал. Имено, на денешпниот натпревар од ПМФЛ Шкендија на свој терен ја пречека Брера. Навивачите на домаќините во минутата кога се оддаваше почит на Лазаров, не само што не навиваа, туку пееја и песна посветена на УЧК.
Според спортската јавност по ваквиот скандал се очекува екипата на Шкендија да заработи сериозна санкција од Фудбалската федерација на Македонија.
Прволигашките натпревари кои се играат денеска започнаа со минута молк за Кочани, а во чест и на фудбалерот на Шкупи, Андреј Лазаров.
Ваквиот потег наиде на критики од спортска јавност. \Макспорт\ даде свој коментар за песната и свирежите: „Дното е допрено“, пишува Макспорт на Фејсбук.
© Vecer.mk, правата за текстот се на редакцијата
