Бразилката која носела Бразилки и посредувала за проституција во Скопје и уште тројца обвинети седнаа на обвинителна клупа и ќе им се суди за Посредување при проституција и за перење пари.
Според досегашните сознанија на МВР, во периодот од декември 2023 година наваму првоосомничената, бразилска државјанка со дозвола за привремен престој во земјава, заедно со второ и третоосомничените, македонски државјани, како и со две неидентификувани лица од Португалија организирале врбување, прифаќање, превезување и сместување на женски лица од Бразил.
Синџирот бил меѓународен, а според обвинителството, нелегалните активности се одвивале во апартман кој бил изнајмуван за 440 евра и се наоѓал во највисоките згради во Скопје во „Џевахир“. Во групата имало и вмешани Португалци и други непознати македонски државјани.
Групата ангажирала девојки од Бразил кои доаѓале во Скопје и за сексуалните услуги наплаќале по детален ценовник за термини односно 150 евра за половина час, 200 евра еден час, 300 евра два часа, 450 евра три часа.
© Vecer.mk, правата за текстот се на редакцијата
