Смена во скопскиот Кривичен суд: ЌЕ ГО СПАСИ ЛИ ДИМОВСКА СУДОТ ОД ЗАРОБЕНИШТВОТО ПОД СДСМ И СЈО

Судиката Даниела Димовска е избрана за вд претседател на Основен кривичен суд Скопје. Одлуката беше донесена на денешната седница на Судскиот совет.

Покрај неа за вршители на должноста претседатели до конечен избор се избрани Елјеса Алији за Основен суд Гостивар, за Основен суд Дебар, Мерсим Марку и Основен суд Свети Николе, Валентина Буревска кои на новите функции ќе стапат од 6 јули оваа година.

Во дискусијата за избор на вд претседател на Основен кривичен суд Скопје, по заминувањето на Иван Џолев во Апелациски суд, Судскиот совет го разгледа известувањето на координаторот Данка Ристова.

Таа во образложувањето кажа дека процедурата за избор е спорна заради начинот на оценувањето и не се во целост усогласени одредбите за поставување на вд претседател. Нејзиниот предлог за вд претседател на Основниот кривичен суд Скопје на координаторот Ристова беше Даниела Димовска која беше поддржана со мнозинство гласови.

Судијката Димовска има успешна кариера и искуство во судење на важни и јавно изложени судски предмети, еден од нив е во случајот против градоначалникот на Карпош, Стевчо Јакимовски, во април 2025 година беше судија и му пресуди 3 години и 6 месеци затвор.

Затекнува состојба на екстремно мала доверба во судството, особено во скопскиот Кривичен суд, и тешка задача да се избори за слобода и самостојност на судиите и примена на законот над притисоците од улица познати уште од “процесите“ на СЈО како и од СДСМ/ДУИ кои во тој суд, како и во скопска Апелација, поставија и унапредија  низа судии кои се раздолжуваат со пресуди согласно нивните политички потреби и планови. 

Судскиот совет на денешната седница разреши судии поротници во судот во Свети Николе, Основен кривичен суд Скопје и во Основен граѓански суд Скопје на кои им е истечен мандатот.

Советот изгласа и одлука за формирање на комисии за увид и оценка на пријавите по огласот за избор на претседатели на судовите во Дебар, Гостивар и Свети Николе кои ќе ја водат натамошната постапка.

По предлог на членот на Советот Селим Адеми и надлежен координатор, Судскиот совет донесе одлука со која на рок од една година се делегира судијата Драган Јаковлески од Основен суд Битола во Основен суд Прилеп.