По двете дебати во претседателската кампања, кандидатката од ВМРО-ДПМНЕ, Гордана Силјановска Давкова ќе дебатира со празно столче откако канидидатот на СДСМ, Стево Пендаровски не се појавил на истата.
Таа е зачудена како Пендаровски не се појавил токму на најважаната дебата на МРТ.
Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче. Не разбирам зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови.
Би сакала да го потсетам господинот Стево Пендаровски дека последната дебата е закажана за понеделник, па го повикувам да се одважи и да се појави пред мене и пред граѓаните на Македонија. Основна задача на шефот на државата е да гради консензус преку дијалог со сите, вели Силјановска Давкова.
© Vecer.mk, правата за текстот се на редакцијата
