Премиерот Христијан Мицкоски изјави дека на првиот ден од почетокот на казнувањето преку системот „Сејф сити“ нема евидентирани поплаки од граѓаните и дека е во постојана комуникација со министерот за внатрешни работи.
Тој рече дека Владата и Министерството за внатрешни работи одлучиле на стартот да го зголемат прагот на толеранција, со цел граѓаните постепено да се навикнат на новиот систем.
Тој рече дека европскиот стандард е под 10% толеранција за брзината, но е одлучено прагот кај нас да изнесува 15%.
‒ Како што ќе се навикнуваат возачите, така постепено ќе се враќаме во европските рамки. Но поентата не е да се казнуваат граѓаните, туку да нема сообраќајни незгоди и загубени човечки животи – рече Мицкоски.
Тој рече дека очекува со целосната примена на „Сејф сити“ драматично да се намали бројот на сообраќајни прекршоци и изречени казни.
© Vecer.mk, правата за текстот се на редакцијата
