„Вчера во 17:35 часот, полициски службеници од ОВР – Неготино го лишиле од слобода В.Ј., на возраст од 32 години, од неготинско село, по пријава од неговата сопруга, со која бил во бракоразводна постапка. На В.Ј. претходно му било издадено решение од Основен суд – Неготино со забрана да ја вознемирува и да контактира со сопругата и забрана за приближување од 100 метри до домот. Но, тој не го почитувал решението и ѝ се заканувал и физички ја нападнал“, соопшти СВР – Велес.
За настанот е известен јавен обвинител.
Од Секторот за внатрешни работи Велес додаваат дека по документирање на настанот, против лицето ќе биде поднесена соодветна пријава.
© Vecer.mk, правата за текстот се на редакцијата
