Центарот за управување со кризи утрово информира дека заклучно со 7:00 часот, на територијата на целата земја се активни 7 пожари, а два се локализирани.
Според информациите на ЦУК, имало вкупно 31 пожар на отворен простор, од кои 22 биле изгаснати.
Пожарите остануваат активни во близина на селото Самоков и помеѓу селата Црешнево, Локвица и Слатин во општина Македонски Брод, потоа помеѓу селата Блаце и Чучер во општина Чучер Сандево, во близина на селото Љубанци во општина Бутел, во близина на селото Николиќ во општина Дојран, како и пожарите под Солунска глава помеѓу местата викани Изворите на Бабуна и Бабина дупка и селото Крушевица во општина Кавадарци.
Локализирани пожари во близина на селото Рамне во општина Македонски Брод и во близина на градската депонија во општина Делчево.
© Vecer.mk, правата за текстот се на редакцијата
