Премиерот Христијан Мицкоски денеска присуствуваше на почетокот на реконструкцијата на охридскиот аеродром „Св. Апостол Павле“, истакнувајќи дека станува збор за историски настан за градот, крајбрежјето и соседните општини.
-Ми претставува особено задоволство што можам да присуствувам на еден историски настан и за Охрид и за охридското крајбрежје и за останатите општини кои што тука гравитираат. Со оваа реконструкција на аеродромот се зголемува самиот капацитет и квалитет, и се надевам дека ќе биде завршено во предвидениот рок, рече Мицкоски.
Премиерот исто така истакна дека за првите два месеци од годинава, скопскиот аеродром има зголемување на патници од 30%, а охридскиот околу 20%. Според очекувањата на директорот на ТАВ Македонија, оваа година ќе се забележи двоцифрен раст на двата аеродрома.
-Разговараме и преговараме со голем број на тур-оператори кои ќе организирано носат туристи на охридското крајбрежје. Со еден веќе сме во завршна фаза на преговори и се надеваме дека наскоро ќе потпишеме договор, додаде Мицкоски.
– Со оваа реконструкција на охридскиот аеродром се зголемува самиот капацитет, квалитет и се надевам дека во рамките на предвидениот рок тоа ќе биде завршено. Би сакал да изразам големо задоволство што во првите два месеци од годината на скопскиот аеродром имаме зголемување од 30% на патници, на охридскиот аеродром околу 20% на патници. Кога сето ќе се спореди со некои минати времиња, очекуваме двоцифрен процент раст оваа година на патници на двата аеродрома, и на скопскиот и на охридскиот – рече Мицкоски.
– Со еден сме веќе во завршна фаза на преговори, мислам и дека веќе сме и пред потпишување, односно случување договор. Станува збор за туроператор којшто надвор од сезоната, условно кажано, иако се трудиме сезоната да биде 365 дена овде, надвор од летната сезона, треба да донесе некаде вкупно околу половина милион ноќевања – најави Мицкоски.
Врз основа на досегашната соработка со овој туроператор, анализите покажуваат дека гостите коишто тие ги носат дневно трошат просечно околу 170 евра вклучително со сместување и останатите трошоци. Тоа, според Мицкоски, значи дека надвор од сезоната би имале само во туризмот и угостителството на охридското крајбрежје отприлика околу 85 милиони евра.
Според него, тоа е можност за хотелиерите и за угостителите да го задржат персоналот и за периодот надвор од летната туристичка сезона, а треба да се зголемат и сместувачките капацитети во случај да дојдат повеќе туристи од Скандинавија, Обединетото Кралство, Германија, Франција, итн. на охридското крајбрежје.
© Vecer.mk, правата за текстот се на редакцијата
