Министерството за здравство ќе го преземе водењето на сите активности поврзани со собирање и распределба на донации наменети за семејствата на жртвите и повредените во кобниот настан во дискотеката во Кочани. Ова беше соопштено од министерот за здравство, Азир Алиу, при обраќањето пред медиумите.
Министерот информираше дека тим од Министерството имал неколкучасовна средба со експерти, родители и млади кои биле директно засегнати од трагедијата. Како резултат на разговорите, е донесена одлука Министерството за здравство, во соработка со Владата, да биде носител на координацијата за примање и распределба на донациите.
Меѓу другото, Алиу најави и отворање на мултифункционален иновативен центар во Кочани. Овој центар ќе обезбеди различни услуги и поддршка за младите и сите жители на градот, како дел од долгорочните напори за опоравување и зацврстување на заедницата по трагичниот настан.
© Vecer.mk, правата за текстот се на редакцијата
