Државното претпријатие ЕСМ било третирано како партиски плен на СДСМ и ДУИ, затоа ќерката на поранешниот собраниски спикер Талат Џафери била дел од Надзорниот одбор во време кога биле правени криминали, обвини пратеникот Бране Петрушевски од ВМРО-ДПМНЕ од партиската говорница.
„Истиот оној Талат Џафери, кој СДСМ и ДУИ со две раце го гласаа, за да стане незаконски претседател на Собрание и неговата ќерка да биде изгласана да биде дел од Надзорниот одбор на ЕСМ.
Затоа на СДСМ и на ДУИ не им се допаѓа темата, затоа што во секоја пора од општеството цветаше корупција и криминал“, обвинува Петрушевски.
Петрушевски тврди и дека, како што вели, затоа СДСМ и ДУИ молчат и не се оградуваат од местените тендери вредни 8 милиони евра во ЕСМ Снабдување со топлина и испраните 2 милиони евра кој завршиле во нечиј џеб.
„Каде завршиле овие 2 милиони евра, дали кај структури блиски до врвот на СДСМ или во ДУИ? Дали лица од тогашниот врв на СДСМ и ДУИ имаат вмешано прсти во случајот? Јавноста заслужува одговори и заслужува да види како СДСМ и ДУИ раководеа со државните институции.
Јавното обвинителство треба да постапи транспарентно, независно и одговорно. Правда мора да има!“, подвлекува Петрушевски.
© Vecer.mk, правата за текстот се на редакцијата
