Србин му го спаси животот на маж од Македонија, oбјави страницата „Грчка инфо“. Сопругот и сопругата држејќи се за раце влегле во вода во познатото летувалиште Олимпик бич. Сопругата била пливач, но сопругот не знаел да плива. Се движеле на околу 50 метри од брегот, каде што водата била длабока до половината, кога одеднаш се слушнал крик и повик за помош. Во тој момент, млад човек од Србија, кој бил на плажата, скокнал од лежалката и без размислување се стрчал кон водата за да помогне. Успеал да го извлече човекот од водата и да го изнесе на брегот!
За среќа, меѓу капачите имало и докторка која веднаш започнала со реанимација. По одредено време, човекот почнал да покажува знаци на живот – ги помрднувал рацете и нозете. Брзата помош стигнала брзо, а благодарение на брзата реалција на присутните и навремената помош човекот е спасен.
Видеото погледнете го овде
© Vecer.mk, правата за текстот се на редакцијата
