Завршена е реконструкцијата и рехабилитацијата на дел од булевар Гевгелија и натпатникот на улица Железничка, во должина од 550 метри, напиша на својот фејсбук профил премиерот Мицкоски.
Со овој проект се изврши темелна санација и модернизација на патната инфраструктура, со што се создадоа значително подобри услови за движење на граѓаните и возилата низ овој важен сообраќаен правец.
Инвестицијата од 25.721.284 денари, финансирана од Владата овозможи комплетна реконструкција на коловозот, изведба на нови асфалтни слоеви, санација на оштетените делови, поставување нови рабници и подобрување на сообраќајната сигнализација.
Дополнително, извршено е нивелирање на шахтите, со што се обезбедува поголема безбедност и комфор при движењето на сите учесници во сообраќајот.
Овој проект е од огромно значење за локалната заедница, бидејќи значително го подобрува сообраќајниот проток, ја зголемува безбедноста и го олеснува секојдневното функционирање на граѓаните.
© Vecer.mk, правата за текстот се на редакцијата
