Приоритет на оваа Влада е привлекување на нови странски инвестиции. Инвестиции и нови работни места, истакна премиерот Христијан Мицкоски одговарајќи на новинарско прашање.
-Можам да кажам дека имаме веќе потврда од швајцарска фармацевтска компанија Ронтис која ќе инвестира во Македонија неколку десетици милиони евра, за повеќе од 500 вработени. Добро платени вработени. Тоа е само низа во оние убави вести за македонските граѓани кои ги соопштуваме изминатиов период, рече Мицкоски.
Швајцарската компанија за медицинска технологија „Ронтис“ веќе е присутна во Македонија со свој производствен погон во Велес веќе 15-тина години, како дел од трите производни погони (покрај Романија и Грција) со кои располага низ 83 различни земји во светот, во кои работи. Досега има над 300 вработени.
Своите производи ги дистрибуира на 4 континенти.
Ова што го најави премиерот Христијан Мицкоски е нова инвестиција на „Ронтис“ во Македонија.
© Vecer.mk, правата за текстот се на редакцијата
