Градоначалникот на Општина Куманово, Максим Димитриевски, денеска присуствуваше на церемонијата на потпишување на договори за техничка и финансиска поддршка во рамки на проектот: “Отпорни и ефикасни комунални претпријатија во Македонија”.
Проектните активности се реализираат во соработка со Владата на РСМ, застапувана од Министерството за животна средина и просторно планирање и Владата на Швајцарската Конфедерација, застапувана од Државниот секретеријат за економски прашања (SECO).
Целта на проектот е да се подобрат техничките, организациските и финансиските капацитети на јавните комунални претпријатија, преку фокусирани интервенции за намалување на загубите на вода, зголемена енергетска ефикасност, користење на обновливи извори на енергија и воведување на современи системи за управување и наплата.
На настанот присуствуваа претставници од Амбасадата на Швајцарија во РСМ, претставници од Владата на РСМ, градоначалници и директори на јавните претпријатија од општините потписнички на договорите.
© Vecer.mk, правата за текстот се на редакцијата
