Управниот одбор на ЈП „Комунална хигиена“ ја повика градоначалничката Данела Арсовска итно да назначи нов в.д. директор на претпријатието и дека ако не го стори тоа во најкус можен рок одговорноста за алармантната состојба со одржувањето на хигиената во Скопје ќе биде исклучиво нејзина.
Управниот одбор на ЈП „Комунална хигиена“ ѝ пиша итна ургенција на Арсовска во која наведува дека само таа има ингеренции и надлежности да назначи нов директор на претпријатието.
Оттаму ја потсетуваат Арсовска дека во изминатите 4 години назначила 5 и разрешила 4 директори.
Управниот одбор ја информира Арсовска дека при крај се резервите за нафта за возилата на Комунална хигиена кои го собираат отпадот и дека нафтата не може да се набави без потпис од в.д. директор.
© Vecer.mk, правата за текстот се на редакцијата
