Шок и вознемиреност во едно кичевско средно училиште откако вчера 17-годишен ученик нападнал соученик со нож. Настанот се случил по кратка расправија меѓу двајцата малолетници, која прераснала во физички напад.
Според првичните информации, осомничениот по вербален конфликт извадил нож и му нанел убодна рана на 15-годишниот ученик. Повредениот бил пренесен на лекарска помош, додека напаѓачот бил приведен на лице место.
Од полицијата потврдија дека 17-годишникот е лишен од слобода, а против него ќе се води постапка за насилство.
Жителите на Кичево апелираат на посериозни мерки за безбедност во училиштата и поголема контрола врз внесување на опасни предмети од страна на учениците.
© Vecer.mk, правата за текстот се на редакцијата
