Властите во САД решија да ги откријат сите корупции и политички манипилации вршени преку државниот фонд УСАИД меѓу кои се и корупциите во овој регион. На ред дојде и Македонија.
Во американскиот Конгрес се изнесе случај како по нарачка, со пари од УСАИД и Џорџ Сорос во Македонија преку “невладин“ сектор се креирале лажни вести и клевети кои, потоа се употребувани за уривање на македоснката власт и реперсија врз луѓе преку тн шарена револуција и со лажни вести и квалификации да се компромитираат американски конгресмени кои се против таквите корупции и процеси.
За пример е земена Сашка Цветковска од “невладината“ ИРЛ која се крие зад статусот “новинар“ зад своите дејствија преку ИРЛ иако ИРЛ е само “невладина“ организација а не медиум и, логично, нема новинари туку некакви си активисти, без јасна дефиниција. Сашка Цветковска од ИРЛ, патем, за своите “истражувања“ е повеќе пати во јавноста прозвана дека врши клевета и рекет врз моќни компании, и осудена е за клеветите.
Активностите на УСАИД во Македонија беа тема на вчерашната дискусија во американскиот Конгрес, во Комисијата за надзор над работата на државната администрација на која конкретно се разгледуваше досегашната работа на агенцијата ДОГЕ на Илон Маск и злоупотребите кои тој ги откри во агенцијата УСАИД.
Еден од четворицата говорници поканети да се обратат пред Комисијата, Тајлер О’Нил од конзервативната фондација Херитиџ, посочи на истражувањата кои оваа фондација ги вршеше во Македонија во 2017 година, кога УСАИД беше активно вклучен во помагање на Шарената револуција. О’Нил кажа дека УСАИД своите активности тесно ги координирал со фондацијата Отворено Општество на Џорџ Сорос, која исто така беше отворено вклучена во организирање и финансирање на Шарената револуција.
Оваа поврзаност стана сериозен проблем за УСАИД по изборот на Доналд Трамп за претседател во 2016 година. Конзервативни организации како Херитиџ коментираа дека е недозволиво американската влада да координира политички активности со радикалниот крајно левичарски настроен милијардер Сорос. Бидејќи поврзаноста на УСАИД со Сорос стана неодбранлива, директорите на УСАИД се свртеа кон медиуми под нивна контрола да ги оцрнат критичарите на овие постапки.
Меѓу најгласните такви критичари беа сенаторот Мајк Ли, конгресменот Крис Смит, како и истражувачот на Херитиџ Мајк Гонзалез – тројцата посочуваа на политичката криза во Македонија, вмешаноста на американската дипломатија во неа и на непринципиелната и неприфатлива поврзаност на УСАИД со мрежата на Сорос.
И сите тројца беа повеќе пати напаѓани во медиуми поврзани со УСАИД дека се наводни соработници на Кремљ – омилената основа за оцрнување на нивните политички противници.
Помеѓу останатото, пред американскиот Конгрес се изнесени докази и изјави во кои се гледа дека американски конгресмени и политичари по нарачка и за пари се напаѓани и од македонски “невладини активсти“ од кампот на Сорос и УСАИД чии напади, потоа, се употребувани и цитирани во САД за потреби на приврзаниците на Џорџ Сорос.
Меѓу платениците кои свесно, за пари, ширеле лажни вести и клевети се спомнува и Сашка Цветковска, шефица на “невладината“ IRL од Скопје, која неодамна е веќе осудена за клевета за емисија од ИРЛ емитувана на МТВ со извршна пресуда, а првостепено и со втора пресуда за клевета додека неколку други тужби чекаат на ред и рочиште.
Прашање е зошто емисија на ИРЛ оди и понатаму на јавниот сервис МТВ, кога постојат судски пресуди за ширење на лажни вести и клевети од ИРЛ и Сашка Цветковска?! И тоа на јавен сервис!
Тоа е истиот ИРЛ и истата Сашка Цветковска кои, според официјални информации од властите во САД, УСАИД им одобрил грант од 655.000 евра неповратни пари за својот проект кој сега го гледаме, и кој е осуден за лажни вести, односно клевети.
Да се вратиме во Конгресот и темата за ширење лажни вести и клеветање од Сашка Цветковска на американски политичари од интерес за Џорџ Сорос.
Фондацијата на Сорос има долга историја со УСАИД. Фондацијата Отворено Општество и УСАИД заедно го финансираа проектот OCCRP, медиум кој напаѓа конзервативци затоа што го критикувале Сорос.
Фондацијата Отворено Општество и УСАИД заедно го финансираа Институтот Ист Вест. Меѓу други негови активности, Ист Вест спроведе промени во правосудството во Албанија за кои нивните критичари велат дека довеле до прогон на опозицискиот лидер Сали Бериша во Албанија, изјави О’Нил во Конгресот на САД.
Ист Вест Институтот има добиено повеќе милионски грантови од УСАИД за да го „развива граѓанското општество“ во Македонија – грантови за кои се обвинуваше дека се користеле за финансирање на Шарената револуција.
Во неговите белешки, кои се доставени до Комисијата за надзор на Конгресот, О’Нил посочува дека во примерот на Македонија, медиумската организација OCCRP ги напаѓала сенаторот Ли, конгресменот Смит и Гонзалез дека водат „крстоносна војна против Сорос“.
„Зошто плаќам пари за данок, за медиумска организација да ме напаѓа? Зошто странска организација напаѓа домашни политички активисти во име на американската Влада?“, цитиран е Гонзалез.
Текстот на OCCRP кој беше посочен пред Комисијата за надзор на САД е објавен во јуни 2017та година, од страна на Обри Блефорд и Сашка Цветковска.
Во него се обвинуваат фондацијата Херитиџ, посочените сенатори и конгресмени како и телевизијата Фокс и медиумот Брајтбарт дека посочувале на политичката заднина на Шарената револуција.
Низ текстот се расфрлани обвинувања дека со тоа, овие американски конзервативни политичари и медиуми, блиски до администрацијата на Трамп, изнесувале ставови кои „и одговараат на Русија“, се тврди дека „Русија ја поддржувала Владата на Груевски“, се посочуваат примери кога и руски медиуми изнесувале податоци за активностите на УСАИД и Сорос во Македонија, и општо се прават напори секоја критика на американската дипломатија да се прогласи за про-руска. Оттаму, и американските конгресмени кои ја поддржуваа политиката на ВМРО ДПМНЕ - како прориски конгересмени!
OCCRP како организација добивала финансии и од УСАИД и од фондацијата на Сорос, поради што сведочењето на О’Нил го отвара прашањето дали на овој начин, УСАИД и мрежата на Сорос, се обидувале да ги оцрнат своите критичари и да го прикријат своето мешање во македонските внатрешни политички прашања, распалувањето на политичката криза и споделувањето на обилни грантови од САД.
Неколку месеци претходно, во март 2017та година, текст со слични обвинувања се појави и во Политико, и тоа под наслов „Републиканци пренесуваат про-руски напад врз Сорос“. И во овој текст се посочени сенаторот Ли и конгресменот Смит, и повторно се игнорира американската улога во потпалувањето на Шарената револуција, но се вели дека „Русија се обидува да ја искористи кризата во Македонија“.
Текстот на Политико дури беше споделен на мрежата Твитер од страна на Дејвид Стивенсон, тогаш политички офицер во американската амбасада предводена од амбасадорот Џес Бејли, кој беше максимално вклучен во вршењето притисок врз македонската влада да ги прифати таканаречените пржински услови.
Како службеник на амбасадата, Стивенсон практично сподели текст во кој се критикуваа избрани американски конгресмени, Мајк Ли, Крис Смит и други, за нивните наводни про-руски врски, во време кога тие отвораа легитимни критики за работата како на УСАИД така и на амбасадата.
Иако Политико е формално независен, комерцијален медиум, од првите одлуки на организацијата ДОГЕ на Илон Маск беше да раскине договори за претплата на услугите на Политико вредни 8 милиони долари кои ги плаќал УСАИД. Политико на владините институции во САД им нудел исклучително скапи претплати во кои наводно имало ексклузивни информации, и на тој начин медиумот си добил профитабилни договори за претплата со американската влада.
Во 2017та година, Херитиџ јавно побара од претседателот Доналд Трамп да го отповика амбасадорот Бејли поради брутално мешање во македонските внатрешни политички прашања.
Сенаторот Ли, во настап токму во Фондацијата Херитиџ во април 2017та, зборуваше за активностите на УСАИД и Стејт Департментот и изјави дека „Македонија е вмешана во политичка криза предизвикана од надворешно мешање во нејзините внатрешни прашања и политички процеси, при што се продлабочија политичките поделби и се ризикува распалување на етнички тензии“.
Но, наместо да одговорат на овие критики од американските избрани претставници, раководителите на УСАИД очигледно се обиделе да ги напаѓаат критичарите преку медиуми кои ги финансираат, обвинувајќи сенатори и конгресмени дека „работат за Русија“.
Со децении овие платеници и извршители на туѓи идеологии се кријат зад формата на “невладини организации“, а задача им се државни преврати, маскирање и заштита на државни корупции во замена за пари и од буџетот и од своите странски ментори. Сето тоа го видовме во Македонија од 2015 до 2024 година. Сега само ни го соопштија од Вашингтон како потврда.
Сашка Цветковска и ИРЛ се само трета генерација на тие измами и уривање опшетствени норми и системи за кеш. Првата е онаа на Владе Милчин и Коко Бојаровски, ги наследија Сашо Орданоски, Борјан Јовановски и слични, и еве ја третата генерација со Сашка Цветковска и дружината. Се е исто, и се повторува низ времето. Се сменија само таму во Вашингтон, и ги соблекоа голи како во приказната за лажната царева облека што ја нема ама народ, од немукает, мора да ја фали.
Читаме дека ИРЛ тргнале да “истражуваат“ завршени и архивирани судски пресуди а претседателот на скопски крвичен ќе им ги дадел предметите на увид. Ќе ја понижи стручноста на легалните обвинители и свои судии на кои “ќе им суди“ Сашка Цветковска, веќе осудена за клевета, и нејзината “невладина“ - ИРЛ? Они, ете, како овластен орган и признаена стручност над судиите и обвинителите, ќе носат конечен суд.
Тури му пепел на тие обвинители и тие судии што прво прифаќаат соросоидите да им пишуваат обвиненија, а потоа од улица да им прават притисок како да пресудат и еве, дојде ден кога соросоидите ќе им вршат ревизија на судски процеси. Има ли барем интелектуална гордост и почит кон својот труд кај обвинителите и судиите, ако нема ништо друго. Им порачаа од Вашингтон со кого си имаат работа, повеќе од тоа на паметен не му треба.
Замислете каква реакција во јавноста, меѓу соросоидите во кои сега спаѓа и СДСМ, министерот за правда да побараше, а претседателот на судот да му дадеше од архива завршени судски предмети за тој да изврши “истражување“ и ревизија, и да даде јавни ставови за тоа? И од обвинелство и сите судии ќе се дигнеа на нозе против тоа понижување и мешање во судскиот систем и авторитет. Но, по навика, соросидите сакаат да бидат власт во сенка, а над власта во јавноста и да имаат слобода да газат врз секого кој е различен од нив, иако никој не ги избрал на избори.
Во Вашингтон, со документи и низ постапки, покажаа дека со тоа е готово. Дали таа храброст ќе ја собереме и ние, сега кога имаме и пример и поддршка за тој процес.
© Vecer.mk, правата за текстот се на редакцијата
