Доколку следната недела се одржат парламентарни избори, победник на истите ќе биде ВМРО-ДПМНЕ. Тоа го покажуваат резултатите на најновата анкета спроведена од Институтот за Политички Истражувања од Скопје (ИПИС).
Според анкетата за ВМРО-ДПМНЕ се одлучиле 22,1% од граѓаните, додека за СДСМ 15,7%, што е голема предност. Трет избор кај граѓаните е ДУИ со 7,5% потоа следуваат Алијанса за Албанците со 4,1% и Левица со 3,1%.
Дури 72,80 проценти од етничките Македонци и 56 отсто од вкупниот број на испитаници, НЕ би прифатиле почеток на преговори со ЕУ, по цена Македонија да се согласи со „францускиот предлог“.
Анкетата е спроведена телефонски во периодот помеѓу 4 и 6 јули 2022 на 1114 полнолетни испитаници на ниво на Република Македонија.
Во истражувањето граѓаните ги изразуваа своите ставови за нивната поддршка за политичките партии, како и за одредени актуелни прашања во моментот.
- Заради запазување на релевантноста и непристрасноста на истражувањето, беше креиран непристрасен и објективен прашалник врз база на кој подоцна беше спроведена анкетата, велат од ИПИС.
Додаваат дека истражувањето е спроведено за потребите на ИПИС со цел да се анализираат рејтинзите на партиите иактуелните настани. Анкетата е финансирана од сопствени средства на ИПИС.
© Vecer.mk, правата за текстот се на редакцијата
