Кандидатот на Коалицијата Вреди за градоначалник на Брвеница Хаќим Рамадани беше во Хамбург, Германија каде заедно со својот противкандидат од ДУИ, Енвер Пајазити, побараа гласови за Албанците да победеле на локалните избори во Македонија, објави Рамадани на својот профил на Фејсбук.
Рамадани потврдува дека соработува со ДУИ со цел да се победи кандидатот на ВМРО-ДПМНЕ и актуелен градоначалник Јовица Илиевски. Како што вели, „треба да се знае кој е газда на својата земја“, и дека општините како Кичево, Брвеница, Тетово и секаде каде се мнозинство Албанците, мора да ги води Албанец.
Енвер Пајазити, кандидатот на ДУИ кој испадна од трката, заедно со Хаќим Рамадани од Вреди кој во вториот круг ќе се соочи со актуелниот градоначалник од ВМРО ДПМНЕ Јовица Илиевски, заедно отпатуваа во Германија, Австрија и Швајцарија каде се среќаваат со иселеници од Брвеница.
© Vecer.mk, правата за текстот се на редакцијата
