Инцидентот се случил за време на претстава во која три тигри и двајца дресери биле во арената, според снимките објавени од локалните медиуми.
Кога заштитната бариера помеѓу публиката и животните попуштила, еден од тигрите скокнал преку неа и влетал во публиката. Снимките го прикажуваат животното како се движи меѓу редови седишта додека дел од публиката бега во паника.
Во друг клип, дресерот се обидува да го води тигарот кон излезот, додека семејствата со деца ја следат ситуацијата.
„Драги посетители, ве молам останете смирени, во спротивно ќе ја влошите ситуацијата“, се слушаше звучникот на циркусот.
Циркуските дресери на крајот успеаја да го одведат тигарот во безбеден транспортен кафез.
Според локалните власти, нема повредени гледачи. Истражните органи во Ростовскиот регион објавија дека е отворена кривична постапка за кршење на безбедносните стандарди.
Un tigre saltó al público durante un circo en Rostov del Don, Rusia, desatando pánico y estampida. El incidente ocurrió en plena función pese a una malla de seguridad. Autoridades investigan. #Rusia #Circo #Tigre pic.twitter.com/gl9QP3pjjY
— Rotativo de México (@rotativodemex) April 20, 2026
Прекршокот се казнува со парична казна до 300.000 рубли, принудна работа или ограничување на слободата или затвор до две години. На веб-страницата на циркусот е наведено дека програмата го вклучува и чинот „Предаторска привлечност“, воден од Викторија и Виталиј Довгаљук, на кој учествуваат три тигри и лавица.
© Vecer.mk, правата за текстот се на редакцијата
