Венчаницата на најдобро облечената ПРВА ДАМА во светот изгледала неверојатно!

Џеки Бувие се омажи за Џон Кенеди во 1953 година и влезе во историјата како најдобро облечена прва дама, стилска икона која се копира и денес. Секако, и нејзината венчаница беше нешто сосема ново, па не е чудно што таа стана еден од стандардите кога се во прашање венчаниците.

На денот на нивната венчавка, Жаклин Бувие одела по патеката на црквата Њупорт во свилена тоалета од слонова коска со тафта со длабоко деколте и голи раменици, прекрасно здолниште и превез направен од речиси 50 метри тантела од баба и, со принт од рози, а која на место ја држеле букети цветови од портокал и бидермаер од розови и бели орхидеи и гардении. Џеки Кенеди остана запаметена како симбол на префинетост, а во тоа помогна и венчаницата која остана класика кога станува збор за изборот на силуета на венчаница.

Омилена дизајнерка на американската елита

Венчаницата ја изработи „најчуваната тајна на Њујорк“, врвната афроамериканска дизајнерка Ен Лоу, која иако нејзините дизајни беа прифатени меѓу американската елита, често се соочуваше со расна дискриминација.

Од накит Џеки носела бисерен ѓердан и дијамантска нараквица

Се зборуваше дека Џеки Бувие, инспирирана од нејзината посета на Париз, сакала едноставен, полежерен фустан, но Кенедиеви инсистирале на традиционален. На крајот, нејзиниот свекор го одобрил дизајнот на венчаницата. Дизајнот на фустанот се родил од желбата на креаторката Лу да ја помири желбата на Џеки за помодерна и семејната желба за традиционална венчаница, па таа создаде широко деколте кое ги открива рамената со луксузен долен дел.

Лу и нејзиниот тим работеа два месеци на венчаницата и фустаните за деверуша. И тогаш се случи катастрофа, студиото беше поплавено десет дена пред свадбата и фустаните беа целосно уништени. Лоу знаеше што би значело за нејзината кариера доколку се дознае. Таа сама го купила новиот материјал, ангажирала дополнителна помош и навреме ги сошила фустаните иако била во загуба. Меѓутоа, со оваа венчаница таа ги помести границите во светот на модата, создаде нов дизајн кој стана класика и продолжи да соработува со тогашната прва дама на Америка.