„Ако ме гледате, тогаш сум мртов“, им рекол креаторот на содржината од Орегон на своите 1,14 милиони претплатници во видеото со наслов „Јас сум мртов“ во кое ја објавува својата смрт.
Шестминутниот клип е снимен во декември 2023 година и објавен од неговото семејство по неговата смрт вчера.
Харел, кој беше застапник за оружје, ја објави својата смрт додека седеше на трупец во шума, на истото место каде што првпат им кажа на претплатниците дека му бил дијагностициран рак на панкреасот во втора фаза.
Тој претходно ги уверуваше фановите дека ракот му е „рано фатен“ и дека „ќе биде тука некое време“.
Но, во неговото постхумно видео, Харел рече дека неговото здравје се влошило.
Јутјуберот продолжи да им нуди „искрено извинување“ на обожавателите кои ќе бидат уништени од неговата ненадејна смрт.
„Се надевав дека ќе продолжам во овој формат во следните 10 или дури 15 години“, рече тој.
„Дури и кога ми беше дијагностициран, се надевав дека ќе бидеме тука барем уште две или три години, а испадна дека ќе поминат само уште неколку месеци. Се извинувам за тоа. Се чувствувам како да сум ги изневерил сите“.
Обожавателите го преплавија делот за коментари со сочувство и благодарност за експертот за огнено оружје.
Харел го искористил својот канал за да се залага за правата на сопствениците на оружје и да сподели знаење за безбедноста на оружјето и прецизно пукање.
© Vecer.mk, правата за текстот се на редакцијата
