Компанијата „Гунвор“ ја повлекува понудата за купување на „Лукоил“

Министерството за финансии на САД претходно објави дека САД нема да му издадат лиценца за работа на „Гунвор“ додека трае конфликтот во Украина.

Министерството изјави дека претседателот на САД, Доналд Трамп, претходно зборувал за потребата од што е можно поскоро завршување на украинскиот конфликт, а бидејќи тоа не се случило, „Гунвор“ нема да добие лиценца.

Министерството тврдеше дека „Гунвор“ е под руска контрола.

„Гунвор“, исто така, издаде соопштение по овој повод, наведувајќи дека изјавата на Министерството за финансии за компанијата е неточна.

-„Гунвор“ отсекогаш бил отворен и транспарентен во врска со своето сопствеништво и работење, и повеќе од една деценија активно се дистанцирал од Русија, престанал да работи во согласност со санкциите, продавал руски средства и јавно ја осудувал војната во Украина, се вели во соопштението на „Гунвор“ на „X“.

Додадено е дека компанијата ја поздравува можноста да го исправи недоразбирањето. Во меѓувреме, „Гунвор“ ја повлекува својата понуда за меѓународните средства на „Лукоил“.

Руската компанија, која е под санкции од САД, претходно соопшти дека добила понуда од „Гунвор груп“ за купување на „Лукоил Интернешнал“.