Грожион Мур, 63-годишен човек од Детроит, стана добитник на играта „Множител на гребење од 500.000 бонуси“ на државната лотарија на Мичиген.
„Тоа никогаш нема да ми се случи“
Мур рече дека сè започнало со гледање видеа на популарната социјална мрежа. „Видов видеа на TикТок од луѓе како гребат билети и освојуваат огромни суми пари, и си помислив: „Тоа никогаш нема да ми се случи““, рече Мур. „Неколку дена подоцна, јас и сопругата ги гребевме нашите билети кога таа извика: „Победивме!“. Мислеше дека сме освоиле 50.000 долари (околу 44.000 евра), но кога погледнав, видов дека се 500.000 долари. Беше неверојатно!“
Среќниот добитник го купил билетот во „Нов квик стоп маркет“ во Детроит, а откако ја потврдил својата победа во седиштето на лотаријата, рекол дека планира да ги вложи парите што ги освоил во заштеда.
Остануваат уште две големи награди во играта
Играта „500.000 бонус греб множител“ беше лансирана во февруари, а цената на еден билет е пет долари (4,40 евра). Можните награди се движат од пет долари до главната награда од 500.000 долари.
Според лотаријата на Мичиген, играчите досега освоиле повеќе од 6 милиони долари (5,27 милиони евра), а во фондот остануваат повеќе од 23 милиони долари (20,22 милиони евра) што треба да се исплатат, објавува Index.hr.
@wadesventures Scratching Lottery Tickets for Top Prizes 🤣 #lottery #scratchoffticket #lotteryticket ♬ original sound - wadesventures
Оваа необична приказна доаѓа во време кога другите приказни за лотарија во САД добија посложен заплет. На пример, во февруари, вработен во „Циркл К“ влезе во правна битка за лотариски билет од 13 милиони долари (11,43 милиони евра) што го купил откако еден клиент го оставил зад себе, а компанијата го побарала сопствеништвото, повикувајќи се на државните прописи.
© Vecer.mk, правата за текстот се на редакцијата
