Иако авионот безбедно слета и нема повредени, целата ситуација предизвика бурни реакции кај здруженијата за заштита на природата.
Емирати Boeing 777-300ER леташе во понеделникот на 20-ти мај на рутата меѓу Дубаи и Мумбаи, објави Aero Time цитирајќи го Times of India.
За време на приближувањето до пистата на еден од најпрометните воздушни центри во земјата, авионот се судри со јато фламинга што летале во областа.
Авионот успеал безбедно да слета, а никој од патниците или екипажот не е повреден. Фламингата сепак немале толку среќа бидејќи голем број од нив загинале. Недолго по инцидентот, на социјалните мрежи почнаа да кружат фотографии и видеа од мртви птици за кои се верува дека умреле во сударот со патнички авион.
35 flamingoes found dead in Pantnagar Ghatkopar area of Mumbai after they collided with an Emirates Boeing 777-31H(ER) Aircraft (A6-ENT), which was on approach to Mumbai Chhatrapati Shivaji International Airport, (BOM/VABB), India on Monday, 20 May.
— FL360aero (@fl360aero) May 21, 2024
The incident occurred… pic.twitter.com/bCk3cYOmwL
Индиа експрес пишува дека загинале вкупно 39 фламинга.
Според еколозите, фламингата доаѓаат во заливот Тане во близина на Мумбаи секој ноември во потрага по храна и остануваат таму до мај, јуни или јули кога ќе мигрираат назад во Гуџарат во северна Индија. Експертите од Природно-историското друштво во Бомбај тврдат дека фламингата биле на пат кон север кога дошле во контакт со Боингот 777.
Во моментов, научниците истражуваат зошто фламингата (Phoeniconaias minor) и авионот на Емирати се вкрстиле. Некои активисти велат дека една од потенцијалните причини за нивниот судир би можеле да бидат далноводи што ги заобиколуваат фламингата, објави The India Express.
Градежништвото околу нивното природно живеалиште може да биде и причината зошто птиците тргнале по необичниот пат.
Според FlightRadar24, авионот сè уште се наоѓа во Мумбаи, што веројатно значи дека претрпел штета во несреќата.
© Vecer.mk, правата за текстот се на редакцијата
